देव मोठा की भक्त मोठा?

सांगा मज सांगा कोण मोठा
देव मोठा की भक्त मोठा

दिसेल कधी मज ते हरीचरण
राही क्षणभरी उभा देवाचिया द्वारी

तरी ना होई समाधान मनीचे
भेटल कधी मज तो हरी नारायण

म्हणूनची वाटे भक्तासी देव तो मोठा
नसे भक्ताच्या मनी भक्तीचा मोठेपणा

देवासाठी तोच भक्त होई मोठा
धावूनी येई सत्वर भक्तासाठी दिनानाथा

करी उभा विटेवरी पुंडलिक हरी
युगे आठ्ठावीस वाट पाहे तो हरी

हरीसाठी मोठा जिवलग तो भक्त
व्याकूळ होई तो निज भक्तासाठी

भक्त प्रह्लादासाठी घेई नरसिंह रूप
स्तंभी प्रगटलासे भक्ताकारण

हिरण्यकश्यपू वधिला उदर विदारून 
निजभक्तांसाठी धरीली नाना रूपं

जानाई घरी दळे दळण तोची
एकनाथा घरी पाणी भरी तोची

भक्तांकारण तू झालासी निर्गुणाचा सगुण
तुजसाठी असे मोठा भक्त

सांगा मज सांगा कोण मोठा
देव मोठा की भक्त मोठा