कधी कुणी ऐकला आहे स्वतःच्या हृदयाचा आवाज
पाहिले आहे का रक्तवाहीन्यात खळखळणारे रक्त
दुसऱ्याच्या हृदयाचे ऐकताना ठोके
चुकलेत का कधी तुमच्या हृदयाचे ठोके
अंतरंगात नेहमी इतरांच्या डोकावताना
स्वअंतरंगात डोकावलात का हो कधी
पहा कधी ऐकून आपल्या हृदयाची धडधड
ऐका कधी वाहणाऱ्या रक्ताची रक्ताची खळखळ
विसरायला होईल सारे काही बाह्य ब्रह्मांड
अंतरंगात दिसून येईल विशाल ब्रह्मांड
माऊली म्हणती हरी पाहिला रे हरी पाहिला रे
सबाह्याभ्यंतरी अवघा व्यापक मुरारी
दिसेल मग तुम्हा जळी स्थळी हरी
प्रगटेल आत्माराम तुमच्या अंतरंगी
No comments:
Post a Comment