….अव्यक्त सुनील

मनात असते तेच व्यक्त होते
मनातली मळमळ नव्हे तळमळ व्यक्त होते

जसे हे सारे जगत अव्यक्तातून व्यक्त होते
तसेच काहीसे मनाच्या अव्यक्त कोपऱ्यातून शब्द व्यक्त होते

कोणासाठी चार शब्द जरी बरे नाही लिहिता आले
तरी कोणाविषयी चार शब्द बुरे न लिहीले जावे

शब्द असे यावे अगदी मनाच्या खोल तळामधून
इतरांच्या काळजीने तळमळीने कळवळून

शब्दा शब्दातून व्यक्त व्हावे असे मनाला वाटते
ते कधी सुचते कधी शब्दात बांधता येते

मनाच्या गाभाऱ्यातून गुंजावे मंत्र जसे
तैसेच गुंजावे रोज शब्द नवे नवे

शब्दातीत व्यक्त होणे शब्दांचे चांदणे
मनाच्या आकाशात प्रकाशमान व्हावे चांदणे

आंधारलेल्या वाटांवर मग प्रकाश यावा तसा
जसा पुनवेच्या चांदण्यांने प्रकाशतो आसमंत जसा

….अव्यक्त सुनील