बायको,
३१ वर्षे सरली, भेटून एकमेकांस
काय घडलं या ३१ वर्षांमध्ये
म्हंटलं तर बरच काही घडलं
म्हंटलं तर बरच काही बिघडलं
घडलं ते चांगलच घडलं
अन् जे बिघडलं त्यानी काय बिघडलं
जोपर्यंत आहे आपली साथ
तोपर्यंत घडण्या बिघडण्यानी फरक नाही पडत
एक वास्तु आकारास आली
एकेक वस्तु जमा झाली
नवी नवी नाती घडत गेली
काही नाती पडद्याआड गेली
सुख-दुःखांचे प्रसंग जरी आले नि गेले
एकमेकांची साथ अशी अविरत राहो
३१व्या विवाह वर्धापन दिनाच्या हार्दिक शुभेच्छा !
…..सुनील
21/11/2023
शरीरावरच्या ह्या जखमा झाल्या जरी बऱ्या
शरीरावर व्रण राहतात कायमच्या खऱ्या
मनावरच्या जखमांच तसं नसत मात्र
खोलवर झालेल्या जखमा दिसत नाही मात्र
भळभळणाऱ्या या जखमांवर करता येत नाही मलमपट्टी
कायमच राहते ही जखम खोलवर ओली
घातलीच जरी कोणी प्रेमाची फुंकर
तरी राहतेच कुठे तरी ठसठस दडून खोलवर
चिरंजीव अभिमन्युच्या कपाळी जशी राहते भळभळती जखम
मनाची ही जखम चिरंजीव राहते तशी कायम
म्हणून म्हणतो देऊ-घेऊ नका कोणी या भळभळत्या जखमा
जमलं तर बघा मारून दुसऱ्यांच्या जखमांवर हळूच मारून फुंकर
झालीच असेल जर माझ्याकडून तुम्हास अशी काही जखम
तर जमलं तर करा मला माफ मारतो मी प्रेमाची फुंकर
….तुमच्या प्रेमाचा हक्कदार सुनील
22/10/2023
हटली डोळ्यांपुढची कृष्णधवल माया
दिसू लागली डोळ्यांना रंगीत छाया
नव्याने मिळाली मज नवी दृष्टी
उजळून निघाली माझी सारी सृष्टी
डोळ्यांपूढचे हटले अंध:कार सारे
दृष्टापटलांवर उमटले चित्र नवे
काळोखून आले होते आकाश सारे
उजळल्या आता साऱ्या दशदिशा
मोतीबिंदूने होती झाली नजर. धूसर
शल्यचिकित्सकाच्या कृपे झाली नजर क्लिअर
25/03/2023
होता डोळ्यावर मोतीबिंदू शस्त्रक्रिया
आला डोळ्यावर काळा चष्मा
झाली सारी दुनिया कृष्णधवल
अंतरंगात माझ्या उजळले सप्तरंग
यासमयी नुरले मज काही काम
आता राहिले डोकावणे अंतरंगात
काही कळेना उगवला वा मावळला दिनकर
काही कळेना दिन कोणता, कोणती रात
जी होती माझी दुनिया रंगीन
काळ्या चष्म्याने झालीसे कृष्णधवल
त्रिमितीतील साऱ्या प्रतिमा झाल्या द्विमिती
RGB ज्या होत्या प्रतिमा झाल्या B&W
भिववती मजला संध्या छाया
हटेल कधी ही डोळ्यांपुढची कृष्णधवल माया
25/03/2023
होतो जरी मी प्रवाहपतीत
केला नी मी पोहण्याचा यत्न
गेलो मी प्रवाही वहात
गाठला न मी किनारा पोहत
प्रवाह होता कघी कधी जोर
होता कधी कधी तोही संथ
जरी न मी केला यत्न पोहण्याचा
तरी आली न वेळ कधी बुडण्याची
होते जरी मी त्या प्रवाही पतित
त्याच प्रवाहाने दावला किनारा मज
होवूनही मी प्रवाही पतित
लाभला किनारा मज तो सहज
….प्रवाहपतित सुनील
03/05/2023
मनमंदिराच्या गाभाऱ्यात न मूर्ति होती न प्रतिमा
मनाच्या गाभारऱ्यात भरला होता अंध:कार दशदिशा
डोळ्यापूढे चमकत होते सर्वत्र काजवे
उमजत नव्हता आदी कुठे अन् अंत कुठे
अंध:कारात चाचपडता सुटत होता धीर
समजत नव्हते मना सावरू कैसे, कैसा देऊ धीर
केली मग निरांजनी काळजाची वात
पेटवली त्यावरी मग आत्मज्योती
पेटताच मनाच्या गाभाऱ्यात आत्मज्योती
दृश्यमान झाल्या दशदिशा
कळो आले तेथे नव्हता कधी आपपर भाव
होता तेथे आत्मा नी परमात्मा सदा एकरूप
उगाच भटकत होतो दशदिशा दिस इतके
बंद करून मनाच्या गाभाऱ्याची कवाडे
आत्मस्वरूपाचा पडता तेथे तेजप्रकाश
मज परमात्म्याचे झाले दर्शन
…स्वामी खडकानंद
09/03/2023
जो चाहॉं था वो हे जिंदगी तूने नही दिया
जो न चहॉं था वो हे जिंदगी तूने दे दिया
कभी तूमने रूलायॉं है जिंदगी
तो कभी तूमने हसायॉं है जिंदगी
हसते रोते गुजारी सारी जिंदगी
हसते हसाते गुजरे बाकी जिंदगी
जिंदगी से नही है कोई गिला शिकवा
जो मिली जैसे मिली अपनीसी लगने लगी
आधी अधुरीसी लगती है जिंदगी
वक्त लगता है ठैरासा ए जिंदगी
जिंदगी तो एक भुलावा है
मौत भी तो एक छलावा है
मौत जब भी आये, आये दस्तख देकर
कहे होने को है पूरा ये सुहाना सफर
ये सफर जिंदगी का ऐसे गुजरे
जैसे अंधेर को चीरकर निकले सुबह की किरने
उन किरनों का साथ लेकर
चमके उजले सारा जीवन
…. जिंदगी का सफर सुनील के संग
20/02/2023
नातं तुझं नी माझं नातं
नातं शब्दातीत नातं
मी तुझा की तू माझा
न कळे जीवा पाड तुझा
हे नातं जन्मो जन्मीचे
की आत्मा परमात्म्याचे
परम दयाळू दिनानाथा
सांभाळीशी मज अनाथा
दिसेना मज तव अंत पार
जीवासी लागलासे घोर
तुच दाखव आता वाट
तुच ने जीवासी तारून
नातं तुझं नी माझं नातं
नातं शब्दातीत नातं
तुझाच रे मी अनंता
तुही माझाच रे अनंता
तुजवीण नाही कोणी माझा त्राता
धाव धाव रे आता अनंता
20/01/2023
शब्द का मजवर रूसले
का भाव मनीचे लोपले
कळेना मनासी काव्य का थांबले
गीत गाऊ जाता ओठ का थबकले
ओठांत होते ते शब्द जे
ओठांतल्या ओठांत का आडले
गाऊं जाता गीत मनीचे
गीत न उमटले मनीमानसी
हरवले कुठे काव्य माझे
न कळले माझे मला
सापडले जर तुम्हां माझे गीत कुठे
आणूनी द्या मजला तुम्हीं गडे
15/01/2023
कागज तो अच्छे आप ने दे दिये हमको
पर वो कलम कहॉंसे लाऊॅं
जो कलम दिलके उसपर उतार पाऊॅं
जाऊॅं तो कहा जाऊॅं ये समझ ना पाऊॅं
कागज पें लिखा हर शब्द मेरा
बन जाएगा हर बार कविता
भर जाए उसका हर एक पन्ना
लिखते लिखते मन की तमन्ना
आपकी नजर किये इस तोफेंसे
हो जाए और एक कवितासंग्रह हमसे
29/10/2022
भिववती मजला संध्या छाया
करेल कोण मजवरती माया
झिजता झिजता मम काया
येईल कोण मज आधार दाया
राहतील का नाती तैसीच तेव्हा
येईल यमराजाची चाहूल जेव्हा
मनी उद्याचे भविष्य दिसती
डोळ्यात होई आसवांची दांटी
न कळे अज्ञ या जीवासी
दिनानाथा माया तुझी
भिववती मजला संध्या छाया
करेल कोण मजवरती माया
18/010/2022
तुमच्याचसाठी लिहीन मी दोन शब्द
तुमच्याचमुळे लिहीन मी दोन शब्द
करिन मी तुमचेच गुणवर्णन शब्दबद्ध
करिन मी तुमचेच भाव शब्दबद्ध
शब्दावाचून होतील भाव शब्दबद्ध
जन्मोजन्मीचे हे जणू ऋणानुबंध
श्रीधर आहे तात माझे
धरीले मी चरण तयांचे
रया गेली सारी त्यांचेविणा
ना ऊरले जीवनी आता राम
राम तयांनी म्हणता मग
यत्न केला किती विसरण्याचा
ण साधले ते काही मना
अक्षय राहिल आशिर्वाद तयांचा
गरिमा तयांची राहिल तशीच
रजा जरी घेतली त्यांनी आमची
खेद न खंत करू आम्ही
डमरू त्याच्या किर्तीचा
करेल नाद दाही दीशा
रमेल ना मन कशात आता
…सुनील
प्रत्येक ओळीचे पहिले अक्षर
श्रीधर नारायण अगरखेडकर
14/09/2022
अंगणी लावला आहे जो तुम्ही पारिजात
सुगंध तयाचा आहे अजून दरवळत
अंगणी लावला आहे जो तुम्ही आम्रवृक्ष
तयाचा झाला आहे आता वटवृक्ष
परसदारी लाविले जे नारळी पोफळी
श्रींच्या पूजनी येई कामी घरोघरी
ऐसी बांधली जी श्रीवास्तु तुम्ही
देई सर्वांसी ती आनंदाची पर्वणी
येथे नित्य जमलासे आप्तांचा मेळा
येथे नित्य होतसे बालगोपाळांचा खेळा
तुमच्याविणा आता ही वास्तु वाटतसे सुनी सुनी
तुमच्या आठवांचा येतसे उमाळा माझिया मनी
आठवण्यासाठी आधी विसरले तर पाहिजे
विसरण्यासाठी आधी विसरले तर पाहिजे
तुमच्या आठवात गुंग ते तुमचे लेकरू
….सुनील
13/09/2022
लिहीण्यासाठी काय हवे?
कागद अन् लेखणी हवे?
मिळाले कागद अन् लेखणी जरी
लिहीता येईल का एक कादंबरी
मिळाले कागद अन् लेखणी जरी
लिहीता येईल का एक चारोळी तरी
मिळाले कागद अन् लेखणी जरी
विचारांशिवाय उमटेल का शब्दांची लडी
कितीही असो शाईने भरलेली लेखणी
उतरेल का कागदावर कवितेची लेणी
जरी कागदांमागून कागद भरले
लेखणीने केले जरी काळे निळे
विचारांशिवाय कागदामागून कागदावर
उमटेल का एक तरी शब्दालंकार
असूनही जवळी कागद अन् लेखणी
राहतील सारे विचारांशिवाय कोरेच्या कोरे
कोऱ्या मनांत उमटतील विचार नवे जेव्हा
येईल कामी कागद अन् लेखणी तेव्हा
म्हणून म्हणतो लिहिण्यासाठी काय हवे
कागद लेखणी अन् विचारी मन हवे
….विचारी सुनील
10/09/2022
नातं तुमचं माझ नातं
जन्मो जन्मीच हे नातं
वडील मुलाचं अतुट नातं
नातं हे प्रेमाचं अन् आपुलकीच नातं
संपवले भोगून तुम्ही पूर्वार्जित संचित
कशास होता मजसाठी चिंतित
भोगू दे मज मम पूर्वार्जित संचित
सोडून द्यावी ती माझी चिंता
सांभाळीन मी तव भार्या, मम माता
प्रस्थान करा सत्वर आता
18/08/2023
आर्त माझे मनीचे...
शब्दावीण माझे मनीचे आर्त तुज कळावे।
हे दिनानाथा मज प्रत्यक्ष दर्शन ते द्यावे।
तुज आळविता आळविता ते कळवळ्याने।
माझे आळविणे ते तुज सहज कळावे।
हे वैकुंठीच्या राणा, हे कृपाळू करुणाकरा।
कृपा मजवरी करा आपुले मजसी करा।
माझे तुझे रूप एक आत्मा तो एक।
ऐसे असता ते मज भासावे का द्वैत।
परमात्म्यात व्हावे विलिन हे आत्मरूप।
निजधामासी जावे होऊनी परमात्मरूप।
...स्वामी खडकानंद
होण्याआधी मज स्वामी दर्शन
व्हावे मजला मम आत्म दर्शन
या जगीचा घेण्याआधी निरोप
होईल मग तयाचे चर्तुभूज दर्शन
आध्यात्माची येतां मग हिच प्रचिती
होईल मग जन्म-मृत्युच्या फेऱ्यामधूनी कायमची मुक्ती
.... स्वामी खडकानंद
03/08/2022
कळेना जीवास दिनानाथा तुझी रचना
चालवीसी हाती धरोनीया आम्हा पामरा
कधी कडे घेऊनीया आम्हा पामरा
पार करवीसी दिनानाथा कडेकपारा
न दिसे डोळा देवा तुझा अंत पाड
नेत्र माझे जणू झालेसे अंध
तुच घाली नेत्री माझ्या अंजन
तेवी व्हावे मज चर्तुभूज दर्शन
चिंता उद्याची सतावीतसे मना
तुच हरावी चिंता दिनानाथा
कळेना जीवास दिनानाथा तुझी रचना
शरण तुज आता आलो दिनानाथा
....स्वामी खडकानंद
03/08/2022
उगाच का कुणी
गळ्यात माझ्या पडेल
उगाच का कुणी
प्रेमात माझ्या पडेल
उगाच का कुणी
माझ्यासाठी डोळ्यात आपुल्या आणेल दोन आसु
उगाच का कुणी
माझ्यासाठी ओठांवरी आपुल्या आणेल हासु
उगाच का कोणी?
29/07/2022
हवां स्वत:चा स्वत:वर विश्र्वास
तरच जिंकता येईल इतरांचा विश्र्वास
डळमळीत विश्र्वासावर मिळतील डळमळीत फळं
विश्र्वासाने पडतां पाऊल मिळतील मधूर फळं
विश्र्वास तर ठेवायलाच हवा स्वकतृत्वावर
तेव्हाच तर मिळेल यश सत्वर
अंधविश्र्वास नसवा स्वत:वर अन् देवावर
विश्र्वास हवा स्वबुद्धीवर अन् श्रद्धा देवावर
विश्र्वासाने उचलावे आत्मविश्र्वासी प्रत्येक पाऊल
मिळेल प्रत्येक पाऊला पाऊलावर नक्की यश
विश्र्वास जरासा इतरांवर ठेवावा
विश्र्वास इतरांस आपला वाटावा
विश्र्वासाने दूसऱ्याच्या खांद्यावर ठेवतां यावी मान
अविश्र्वासाने कापू नये कधी दूसऱ्याची मान
विश्र्वासाने द्यावा इतरांस मान
विश्र्वासाने घ्यावा इतरांकडून मान
विश्र्वासावरच तर चालते सारे जग
विश्र्वास नसतां उद्धवस्त सारे जग
म्हणून म्हणतो...
हवा स्वत:चा स्वत:वर विश्र्वास
तेव्हाच जिंकाल तुम्ही इतरांचा विश्र्वास
26/03/2022
