लिहीण्यासाठी काय हवे

लिहीण्यासाठी काय हवे
हवे कागद अन् लेखणी

तरी लिहिता येईल का त्यावरी
हजार पानी ती कादंबरी

विचारांशिवाय उमटेल का त्यावरी
निदान एक तरी चारोळी 

कितीही असो शाईने भरलेली लेखणी
कागदांवरी उमटेल का कवितांची लेणी

कागदांमागून कागद भरले
लेखणीने सारे काळेनिळे कोरले

विचारांशिवाय  उमटतील का शब्द
रकान्यांमागून रकाने राहतील निशब्द

असूनही कागद अन् लेखणी 
विचारांशिवाय राहतील कोरेच्या कोरे

केऱ्या मनात उमटतील विचार नवे
तेव्हाच होतील कागद शब्दालंकाराचे लेणे