विसरू कैसे तुला विठूराया
मंदिर तव येतसे तिन्ही त्रिकाळ
विसरू कैसे तुला विठूराया
जाता येता तव चरणी ठेवीला माथा
विसरू कैसे तुला विठूराया
खेळ खेळलो सभामंडपी तुझ्या
विसरू कैसे तुला विठूराया
कळसावरी खेळलो लपाछपी
विसरू कैसे तुला विठूराया
गरूड खांबा घातलीया मिठी
विसरू कैसे तुला विठूराया
माझ्या मायेचे आजोळ पंढरपूर
विसरू कैसे तुला विठूराया
देखियेले तुज प्रत्यक्ष डोळा
विसरू कैसे तुला विठूराया
आठवात येती ते दिन सारे
विसरू कैसे तुला विठूराया
या भक्ता विसरू नको देवराया
विसरेल कैसे तुला विठूराया
तव चरणी लीन तो सुनील
No comments:
Post a Comment