आर्शिवाद ईच्छुक

खडकालाही कधी कधी पाझर फुटतो
लोकांना तो जिवंत झरा वाटतो

त्या पाण्याची ती अविट गोडी
भल्या भल्यांची तहान भागवी

मायेचा हा झरा वाहता अटेल ना कधीही
थांबला जरी पाऊस पाणी

भरभरून घ्याव्या घागरीवर घागरी साऱ्या
भर त्या ओहळाचा अटेल ना न्यारा

दूरूनही हा मायेचा पाझर ओला
करत राहील सर्वांना चिंब ओला

स्पर्श जरी आता दृश्य हातांचा झाला नाही डोईवरी
अदृश्य स्पर्श आर्शिवादाचा राहील सदैव डोईवरी

आर्शिवाद ईच्छुक
... सुनील
(.... सासूबाई सौ. चित्रा यार्दी यांच्या निधनानंतर लिहिलेली कविता (१३ जुलै २०१९))