विचारी मना...

विचारी मना तूच शोधूनी पाहे
विचारांचा अंत, मध्य अन सुरूवात कोठे

मारता विचारांच्या डोहात डुबकी
हातास येती अनेक भावमोती

अंधार अन् तो प्रकाश विचारांतच आहे
शोध अंतरीचा विचारातूनच आहे

विचारां विचारांत एक बंध आहे
विचारांविना विचार बेबंध आहे

विचारांविना मन ते रिक्त आहे
रिक्त मनीही विचार व्यक्त आहे

विचारी विचारी मन दंग आहे
विचारांविना मन दूभंग आहे

विचारी मना तूच शोधूनी पाहे
विचारांविना तव अंत आहे