चंद्र पूनवेचा...

खिडकीत त्या बैसोनिया मी सदा
पूनवेचा चंद्र तो नजरेत साठवावा

शुभ्र धवल ढगांच्या त्या तलम पडद्या मागूनी
पूर्णचंद्र तो दिसावा लाजलाजूनी तयाने व्हावे गुलाबी

ती शुक्राची नाजूक चांदणी त्याच्यासवे तेथे
होता पिधान तेधवा व्हावे मिलन तयांचे

तो चंद्रमा ती शुक्राची चांदणी अवघे गगन प्रकाशी
तो शांत शितल प्रकाश तयांचा अंतरास शांतवी

असेन पून्हा पून्हा तेथेच त्या खिडकीसमीप मीही
असेल तो चंद्रमा अन् ती चांदणीही पूनवेस त्या क्षितीजी

व्हावे दर्शन क्षितीजी त्या द्वयांचे पून्हा पून्हा
तिमीर अंतरीचा दर्शने तयांच्या निमिषर्धात दूर व्हावा