कायासी करू मी यत्न लक्ष्मी कृपेची

जगण्यासाठी जरी लागला पैसा
परी पैशासाठी कधी न जाहले जगणे

वेळोवेळी संकटसमयी पाठी उभा राहीला हरी
गरजेवेळी धावून आली ती हरीप्रिया

कधी न केले चिंतन त्या श्री लक्ष्मीचे
कधी न विसरलो ते हरीचरण

जेधवा जेधवा स्मरले त्या हरीला
तेधवा तेधवा तारले त्या हरीप्रियेने

मज न लागली ती आस लक्ष्मी दर्शनाची
मज आहे आस हरीदर्शनाची

हरी पाठी येईल ती हरीप्रिया
कायासी करू मी यत्न लक्ष्मी कृपेची

हरी येतां येईल ती पाठी   तयाच्या ती हरीप्रिया
मग कायासी मज चिंता त्या लक्ष्मीकृपेची